4 oktyabr 2019-cu il tarixdə Açıq Hökumətin Təşviqi üzrə yeni Milli Fəaliyyət Planı layihəsinin hazırlanması üzrə İşçi Qrupun növbəti iclası keçirilib.
Dövlət Miqrasiya Xidmətində keçirilən toplantıda AR Korrupsiyaya Qarşı Mübarizə üzrə Komissiyası Katibliyinin nümayəndəsi, İşçi Qrupun üzvü dövlət orqanlarının əməkdaşları Azərbaycan Açıq Hökumət Platformasının koordinatoru Əliməmməd Nuriyev, Platforma üzvü digər QHT-ləri təmsilçiləri iştirak ediblər.
Azərbaycan Açıq Hökumət Platformasının koordinatoru Əliməmməd Nuriyev qeyd edib ki, Açıq Hökumətin Təşviqi üzrə yeni Milli Fəaliyyət Planı layihəsinin hazırlanması üzrə İşçi Qrupun sayca 6-cı iclası keçirilir: “İlin əvvəlindən bu proses gedir. Əvvəl “Yol xəritəsi” hazırlandı və təsdiq olundu, Açıq Hökumət üzrə milli koordinator seçildi. Yeni Milli Fəaliyyət Planının hazırlanması üzrə İşçi qrupu bir çox istiqamətlər üzrə içlaslar keçirib. İşci qrupun içlasları açıq keçirilir və bütün QHT dəvət olunur. Bü günə qədər İşçi qrupun iclaslarında səhiyyə, təhsil elektron hökümət, vətəndaş cəmiyyəti ilə bağlı müzakirələr, həmçinin ümumi müzakirələr də keçirilib.
Bu gun maliyyə şəffaflığı ilə bağlı məsələ müzakirə olunur. Çünki Açıq Hökümətin əsas prinsiplərdən biri də ondan ibarətdir ki, ictimai vəsaitlər üzərində şəffaqlıq təmin olunmalıdır. Bu məsələ dövlət büdcəsinin hazırlanması, icrası, dövlət büdcəsinin təyinatı üzrə xərclənməsi, maliyyə nəzarət qurumlarının fəaliyyətində şəffaqlığın təmin edilməsi və s. məsələləri əhatə edir.
Platforma koordinatoru bilidirib ki, Auditorlar Palatasının təklifləri ilə yanaşı mədən sənayəsində şəffaqlıq, vəzifəli şəxslər tərəfindən maliyyə xarakterli məlumatların təqdim edilməsi məsələsi maliyyə şəffaflığına daxil edilməlidir.
Daha sonra Əliməmməd Nuriyev maliyyə şəffaflığının gücləndirilməsi ilə bağlı təklifləri səsləndirib.
Dövlətin maliyyə nəzarətini həyata keçirilməsində informasiya texnologiyalarının tətbiqi və elektron nəzarətin təkmilləşdirilməsi, hökümətin parlamentə təqdim olunan büdcə zərfinə daxil olan sənədlər dəstinin internet resuslarında yerləşdirilməsi; Milli Məclisdə dövlət büdcəsinin layihəsi ilə bağlı müzakirələrdə vətəndaş cəmiyyətinin iştirakının genişləndirilməsi; büdcə qanun layihələrinin Hesablama palatasında yer alan təkliflər üzrə görülən işlər üzrə barədə Maliyyə Nazirliyi tərəfindən məlumatların hazırlanıb hesabat şəklində nazirliyin internet səhifəsində açıqlanması; dövlət büdcəsindən və büdcədən kənar fondlarla bağlı büdcənin hazırlanması və icrasından sonraki mərhələ ilə bağlı ildə ictimai dinləmələrin təşkil edilməsi; biznes, hökümət və vətəndaş cəmiyyəti arasında tərəfdaşlığın nəticəsi olaraq hökümətin hibrid – elektron və açıq mənbəli elektron satınalma sisteminin qurulması, mədən sənayesində bütün benefisarlar haqqında məlumatın ictimailəşdirilməsi; büdcə təşkilatların və dövlətin tam və qismən payı olan publik hüquqi şəxslərin illik maliyyə fəaliyyətləri ilə bağlı, o cümlədən dövlət büdcəsindən ayrılmış vəsaitdən və ya onlara verilmiş əmlakdan istifadə ilə bağlı məlumatların internet səhifələrində dərc olunması ilə bağlı qanunvericiliyin təkmilləşdirilməsi və məlumatların dərc edilməsinə ictimai nəzarətin gücləndirilməsi, MMC –lər haqqında açıq məlumat bazalarının yaradılması və digər təkliflər irəli sürülüb.
Müzakirə iştirakçıları təkliflərlə bağlı öz fikirlərini açıqlayıblar. Dövlət orqanlarının nümayəndələri təkliflər və qeydlərlə bağlı sualları cavablandırıblar.
